For MaMa’s & PaPa’s :)

Posted: October 20, 2010 in 2010, discovery, personal, play, مطاعم, الكويت, ديسكوفري

من جم يوم رحنا أنا و زوجتي العزيزة مكان يديد نبي اليهال اغيرون جو و يستانسون و طبعا وايد صعب علي ألقا مكان في الديرة يستانسون فيه عيالي لأنهم إصغار

و ما كنت أتصور إن اعيالي إلى توهم امعدين السنة راح يستانسون إذا وديتهم الألعاب

بس المكان هذا صج خوش مكان لهم عشان اطلعون طاقتهم و الكبت اللي فيهم

المكان عبارة عن محل في مجمع صغير مقابل التأمينات و برج جاسم و يطل على الدائري الاول مقابل الضاحية ( طبعاً ضاحية عبداللع السالم ) ويطلق عليه اسم ” ديسكفري ” و هو مجمه صغير متخصص للأطفال و مستلزماتهم

المكان ما له اسم معين و سمعت إن مشروع شابة كويتية و هو مميز في تصميمه حتى رسوم الدخول تعتبر معقولة بالمقارنة مع بروي حيث يكلف دخول أي طفل مبلغ 5 دنانير و هي لليوم مع إمكانية دخول مرافق أو أثنين مع الطفل (طبعا أقصد في المرافقين لأشخاص الكبار مو واحد يودي اعياله و يدفع حق واح و يدخل الباجي معاه  ) صج المكان يحتاج بعض التعديلات في سياسته بالتعامل مع العملاء إلا إنه كبداية يعد جيد

طبعا وايد منا راح يقولون ملل , على أن المكان بس حق اليهال , إهني أنا أقول لهم ترا حدكم غلطانين اللي صمم المجمع ما نسى الأهل وو غرامهم في الأنواع المختلفة من الأكل و المطاعم هناك مو بس مطاعم الفاست فود في تشيليز و ساكوروا

في تشكيله كبيرة من الكوفي شوبس و غيرها من محلات الملابس المتخصصة للأطفال

و في الختام أنصح كل أب و أم بأنه يروحون هناك و ما يطوفون هذي اللحظات المهمة في هذي المرحلة من حياة عيالهم و يدشون مععاهم داخل الألعاب و يشاركونهم المتعة

طبعا أنا ما أنصح انكم اتروحون في الويك إن روحوا أيام الاسبوع يكون المكان هادي و تقدرون تستانسون مع عيالكم

و بالتوفيق و انشاء الله يعجبكم المكان

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s