صبحكم الله بالخير 🙂
بعد انقطاع طويل عن الكتابه نعود من جديد للمشاركه في تجاربنا مع المطاعم اليديده اللي كل يوم يطلع لنا واحد و في اماكن ما ادري اشلون الناس تطيح عليها .
طلعنا امس انا و السعدي على الغدا كالعادة يوم الخميس ، الجو كان لندني ، طبعا من كثر المطاعم احترنا وين نروح و بالأخير استقرينا على بيرجر بوكس اللي وايد مدونات كتب عنه و رفعته ، و صوره في الانستاغرام أتخلي الواحد يجوع .
المهم ان رحنا المطعم و المكان كان هادي ( ممكن توقيت غدانا اهو السبب ٢:٣٠)
طلب كل واحد فينا نوع للتجربة السعدي طلب الكلاسيك و انا بالفلفل الهلابينو
السعدي وايد أعجبته في البدايه بس صنفها بالترتيب الرابع بعد ايليڤيشن بيرجر و شيك شاك و سلايدر
بس الله يسلمكم البيرجر كانت جيده مو ممتازه يعني احسن من جوني و من بيرجركنج .
يفضل تأكلون هناك لأني اعتقد انها لو بردت ما تصير حلوه
أسعاره المكان وايد زينه بس مكانه وايد صعب توصله اهو خلف ايليكتروزان السالميه اللي بجانب فندق هوليدي ان
و اخليكم مع الصور
daystory
Daystory's Blog 